दशक सहावा : देवशोधन :समास तिसरा : मायोद्भवनिरुपण

समास तिसरा : मायोद्भवनिरुपण || ६.३ ||  
॥श्रीराम॥ निर्गुण आत्मा तो निर्मळ जैसें आकाश
अंतराळ घन दाट निर्मळ निश्चळ सदोदित ||||
जें खंडलेंचि नाहीं अखंड जें उदंडाहूनि उदंड |
जें गगनाहूनि वाड  |  आणि  सूक्ष्म  ||||
जें दिसेना ना भासेना जें उपजेना ना नासेना |
जें  येयना  ना  जायना  |  परब्रह्म तें  ||||
जें चळेना ना ढळेना जें तुटेना ना फुटेना |
जें  रचेना  ना  खचेना  |  परब्रह्म तें ||||
जें सन्मुखचि सर्वकाळ जें निष्कळंक आणि निखळ |
सर्वांतर  आकाश  पाताळ  |  व्यापूनि  असे  ||||
अविनाश  तें  ब्रह्म निर्गुण नासे तें माया
सगुण सगुण आणी निर्गुण कालवलें ||||
या कर्दमाचा विचार करूं जाणती योगेश्वर |
जैसें क्षीर आणि नीर राजहंस निवडिती ||||
जड सबळ पंचभूतिक त्यामध्यें आत्मा व्यापक |
तो  नित्यानित्य विवेक  |  पाहातां  कळे ||||
उसांमध्ये घेईजे रस येर तें सांडिजे बाकस |
तैसा जगामध्यें जगदीश विवेकें वोळखावा ||||
रस नासिवंत पातळ आत्मा शाश्वत निश्चळ |
रस अपूर्ण आत्मा केवळ परिपूर्ण जाणावा ||१०||
आत्म्यासारिखें येक असावें मां तें दृष्टांतासि
द्यावें दृष्टांतमिसे समजावें कैसें तरी ||११||
ऐसी आत्मस्थिति संचली तेथें माया कैसी जाली |
जैसी  आकाशीं  वाहिली झुळुक वायोची ||१२||
वायोपासूनि तेज जालें तेजापासूनि आप निपजलें |
आपापासूनि  आकारलें  |  भूमंडळ  ||१३||
भूमंडळापासूनि उत्पत्ती जीव नेणों जाले किती |
परंतु  ब्रह्म  आदिअंतीं  |  व्यापूनि  आहे ||१४||
जें जें कांहीं निर्माण जालें तें तें अवघेंचि नासलें |
परी  मुळीं  ब्रह्म  तें  संचलें  |  जैसें  तैसें ||१५||
घटापूर्वीं आकाश असे घटामधें आकाश भासे |
घट फुटतां  न नासे  |  आकाश  जैसें  ||१६||
तैसें परब्रह्म केवळ अचळ आणी अढळ |
मधें होत जात सकळ सचराचर ||१७||
जें  जें  कांहीं  निर्माण  जालें तें तें आधींच ब्रह्में
व्यापिलें सर्व नाशतां उरलें अविनाश ब्रह्म ||१८||
ऐसें ब्रह्म अविनाश तेंचि सेविती ज्ञाते पुरुष |
तत्वनिर्शनें आपणास आपण  लाभे  ||१९||
तत्वें तत्व मेळविलें त्यासी देह हें नाम ठेविलें |
तें  जाणते  पुरुषीं  शोधिलें तत्वें  तत्व ||२०||
तत्वझाडा निशेष होतां तेथें निमाली देहअहंता |
निर्गुण  ब्रह्मीं  ऐक्यता विवेकें  जाली  ||२१||
विवेकें देहाकडे पाहिलें तों तत्वे तत्व वोसरलें |
आपण  कांहीं  नाहीं  आलें प्रत्ययासी  ||२२||
आपला  आपण  शोध  घेतां आपली तों माईक
वार्ता तत्वांतीं उरलें तत्वता निर्गुण ब्रह्म ||२३||
आपणाविण निर्गुण ब्रह्म हेंचि निवेदनाचें वर्म |
तत्वासरिसा  गेला  भ्रम मीतूंपणाचा  ||२४||
मी पाहातां आडळेना निर्गुण ब्रह्म तें चळेना |
आपण  तेंचि  परी कळेना सद्गुरूविण ||२५||
सारासार अवघें शोधिलें तों असार तें निघोन
गेलें पुढें सार तें उरलें निर्गुण  ब्रह्म ||२६||
आधीं ब्रह्म निरोपिलें तेंचि सकळामध्यें व्यापलें |
सकळ आवघेंचि नासलें उरलें तें केवळ ब्रह्म ||२७||
होतां विवेकें संव्हार तेथें निवडे सारासार |
आपला आपणासि विचार ठाईं पडे ||२८||
आपण कल्पिलें मीपण मीपण शोधितां नुरे जाण |
मीपण  गेलियां  निर्गुण आत्मा  स्वयें  ||२९||
जालियां तत्वाचें निर्शन निर्गुण आत्मा तोचि आपण |
कां  दाखवावें  मीपण  |  तत्वनिर्शनाउपरी  ||३०||
तत्वांमध्यें  मीपण  गेलें तरी  निर्गुण सहजचि
उरलें सोहंभावें प्रत्यया आलें आत्मनिवेदन ||३१||
आत्मनिवेदन होतां देवाभक्तांसी ऐक्यता |
साचार भक्त विभक्तता सांडूनि जाला ||३२||
निर्गुणासी नाहीं जन्ममरण निर्गुणासी नाहीं पापपुण्य |
निर्गुणीं  अनन्य  होतां  आपण  |  मुक्त  जाला ||३३||
तत्वीं वेंटाळून घेतला प्राणी संशयें गुंडाळला |
आपणासी आपण भुलला कोहं  म्हणे ||३४||
तत्वीं गुंतला म्हणे कोहं विवेक पाहातां म्हणे
सोहं अनन्य होतां अहं सोहं मावळलीं ||३५||
याउपरी  उर्वरित तेंचि  स्वरूप  संत |
देहीं असोनि देहातीत जाणिजे ऐसा ||३६||
संदेहवृत्ति ते न भंगे म्हणोनि बोलिलेंचि बोलावें लागे  
आम्हांसी  हें  घडलें प्रसंगें श्रोतीं  क्ष्मां  करावें ||३७||
इति श्रीदासबोधे गुरुशिष्यसंवादे
मायोद्भवनिरुपणनाम समास तिसरा || .३ ||

Popular posts from this blog

साधना करणाऱ्या पुरुषाला काय म्हणतात ?

नामात राहणे हा सरळ मार्ग आहे

सदगुरुंचे महत्व